No nadal do pasado ano, polas razóns que entón espliquei e en aplicación de unhas das facultades da Presidencia do Partido Galeguista segundo os Estatutos vixentes, deleguei temporalmente as miñas funcións no Vicepresidente e demais órgaos correspondentes do P.G.

Con data de hoxe, comunícolle ao Vicepresidente do P.G., á Executiva Nacional e ao Consello Galeguista, así como á militancia do P.G., que retomo tódalas funcións e obrigas da Presidencia do P.G., agradecéndolles en nome dos galeguistas o esforzo, humán e político, realizado neste medio ano de xestión delegada.

Como anexo a esta comunicación de reasunción de funcións, axunto a petición ao estimado Vicepresidente do P.G. de que me faga chegar de inmediato as actas orixinais das xuntanzas da Executiva Nacional e do Consello Galeguista que se teñan celebrado nestes sete meses.
Asimesmo, comunícolle ao Presidente da Comisión de Garantías, pra que lle dea traslado aos demais membros,  a miña total confianza e respeto polo traballo que están a desenvolver en circunstancias tan complexas como as presentes.

A normalización da vida interna do P.G. é un obxetivo obrigadamente común de todos nós que esixe, tamén a todos nós, deixar de consumir tódalas enerxías en hostilidades internas interminables e absolutamente improdutivas, algo que non dignifica o lugar que ao noso partido lle corresponde. Nó-nos podemos permitir contemplar pasivamente o imparable esmorecemento da nosa organización, polo que vos anuncio que a miña primeira actuación é convocar a unha reunión da Executiva Nacional e a outra do Consello Galeguista pra o mes de Agosto, en data que consensuarei con tódolos membros da Executiva Nacional e que oportunamente anunciarei, e reclamo que dende hoxe todos nos comprometamos a asumir unha actitude construtiva pensando en facer país por riba de calisquer outro ouxetivo.

Unha aperta.

Manuel Suárez