26 02 2007 :: Acto Galeguista de presentación de Antonio Troitiño como candidato a Alcaldía de Ourense
Os Galeguistas de Ourense presentamos ó noso candidato a Alcaldía, Antonio Troitiño, nun acto que terá lugar na sá de actos do Centro Cultural do Edificio Simeón (rúa do Progreso, nº 46; a beira do Pazo da Deputación de Ourense), o martes 27 de Febreiro as 20:30 horas.
No acto, ademáis de Antonio Troitiño, intervirán Xabier González, Presidente do P.G., e Manoel Soto, secretario Xeral do P.G. e candidato Galeguista a Alcaldía de Vigo.
24 02 2007 :: Constitución da Xunta Local de Vilar de Barrio e presentación de Ramón Sorga, candidato Galeguista a Alcaldía
Coa asistencia do Presidente do P.G., Xabier González, e do Coordinador da Provincia de Ourense, Elías Pérez, os Galeguistas de Vilar de Barrio (Ourense) constituiron en Arnuide a Xunta Local do Partido Galeguista. Na xuntanza de traballo que se celebrou logo da constitución, abordouse a problemática dun concello como Vilar de Barrio que sofre unha fonda recesión no número de viciños –de perto mais de 3.900 no ano 1981 a 1.900 na actualidade-, como resultado da falla de oportunidades laborais e infraestructurais que se ven agravadas pola deficiente xestión municipal das sucesivas corporacións municipais.
Acompañados polos integrantes da Executiva Local e por Ramón Sorga Prado, candidato do P.G. a Alcaldía do Concello de Vilar de Barrio, Xabier González e Elías Pérez visitaron as inmediacións da Ponte Románica de Arnuide, sobre o río Arnoia, comprobando a grave situación de contaminación e risco para a saúde pública que, pola neglixencia dos actuais rexedores municipais, afecta a este paraxe de grande importancia monumental e medioambiental que cada vez está mais afectada polos verquidos directos das augas residuais da vila. O P.G. de Vilar de Barrio iniciará de inmediato accións para esixir un plan urxente de actuación medioambiental no que están incluídos, ademáis de outras medidas, a construcción dunha depuradora en Arnuide e a descontaminación do Río Arnoia o seu paso pola vila.
