A Executiva Nacional do Partido Galeguista ratificou por unanimidade o organigrama da Comité Electoral Nacional presentado polo Vicesecretario Xeral de Organización, Xosé Antonio Sánchez que, asimesmo, foi nomeado Coordinador Xeral do devandito Comité, con plenas competencias para nomear os Coordinadores Provinciais e as demais persoas que ocuparán os postos do organigrama do Comité.

Ademais do Presidente, do Secretario Xeral do P.G. e do Secretario de Comunicación,  que son membros natos, o Comité contará con catro Coordinadores Provinciais, que serán os máximos representantes Galeguistas en cada unha das provincias, un responsable de asesoría Xurídica, e cinco integrantes mais que se ocuparán de tarefas de loxística e representación.

Os primeiros nomeamentos do Coordenador Xeral son os de Francisco López “Chesqui”, que asume as tarefas de Coordinador Provincial de Pontevedra, Antonio Varela, Coordinador Provincial de Lugo, Elías Pérez Álvarez, Coordinador Provincial de Ourense, e Jesús Martínez López, Coordinador Provincial de Coruña.

Cada un dos Coordinadores Provinciais nomeados pasa a ser o responsable provincial do P.G. a da creación e posta en marcha dos respectivos Comités Electorais das circunscricións provinciais que, a súa vez, coordinarán os distintos Comités comarcais e locais.